DAVAO CITY – Gimanduan ni Davao City Mayor Inday Sara Duterte-Carpio ang mga tulonghaan, business establishments ug mga buhatan nga momugna og guidelines aron nga dumalaon ang mga estudyante ingon man mamumuo nga nakasinate og flu-like symptoms.
Una ng gibutyag sa mayor nga kinahanglan siguruhon nga walay balatian ang empleyado o estudyante nga mosulod sa tulonghaan o sa trabaho.
Una ng nagpagula ang Department of Education (DePED) og memorandum nga nagmando nga kinahanglan i-excuse ang mga estudyante nga nagbalatian.
Sa mga tinun-an nga nakasinate og flu like symptoms, angayan nga magpabilin lamang kini sa balay diin ikonsidera kini sa tulonghaan nga official excuse.
Dungan sa outbreak sa 2019 Coronavirus Disease (COVID-19), nagpahigayon gilayon ang mayor og mga precautionary measures ilabi na karon nga padayon ang pagsaka sa kaso sa maong balatian.
Kalakip sab sa kamandoan ang pagdili sa publiko nga mobiyahe sa siyudad ilabi na kung nakasinate og flu-like symptoms.
