DAVAO CITY – Nanawagan si Davao City Mayor Inday Sara Duterte ngadto sa publiko nga ipahibalo gilayon sa otoridad ang mga tawo nga migamit sa iyang pangalan sa iligal nga aktibidad.
Ang pahayag sa Mayor adunay kalabutan sa iyang nadawat nga impormasyon nga adunay usa ka middleman nga nagabaligya ug ‘taklobo’ o giant clams ang migamit sa iyang pangalan aron nga dili masikop sa gipahigayon nga police operations sa Calatagan, Batangas.
Gipahibalo sa Mayor nga wala sumala pa siya nalambigit sa bisan unsa man nga pagpamaligya ug mga taklobo.
Gitino sa Mayor nga wala niya gisuportahan ang bisan unsa man nga criminal activity ug gipahimangnoan ang si bisan kinsa nga dili gamiton ang iyang pangalan.
Mihangyo sab kini sa kapulisan, AFP, NBI o bisan unsa man nga enforcement organization nga sikupon kadtong migamit sa iyang pangalan sa pagpangilad.
