DAVAO CITY – Wala sumala pay nakita nga kakulangon si Davao City Mayor Inday Sara Duterte-Carpio sa pagpatuman sa temporary ban kalabot sa pagsulod sa mga binuhing baboy ug pork products sukad Setyembre 2019 sa mga checkpoints sa dakbayan sa Davao aron lamang mapugngan ang pagkatag sa African Swine Fever (ASF) ngadto sa mga commercial ug backyard farms sa siyudad.
Kini ang pahayag sa mayor human nga gibutyag ni Agriculture Secretary William Dar nga miabot sa Barangay Lamanan ug Dominga sa Calinan District ang kaso sa ASF tungod sumala pa sa gidala nga mga baboy sa traders nga gikan sa Sulop, Davao del Sur.
Sumala sa mayor nga naningkamut ang mga personahe sa Task Force Davao ug City Veterinarian’s Office sa mga checkpoints sa siyudad aron lamang masiguro nga walay makasulod nga mga ASF-infected pigs ug pork products sa siyudad ug aron malikayan ang pagkatag sa disease ngadto sa mga baboy nga gibuhi sa mga commercial ug backyard growers.
Kahinumduman nga kaniadtong Setyembre 2019, nagpagula ang Mayor og executive order nga nag-ban sa pagpasulod sa mga buhing baboy ug pork products human ang ASF outbreak sa pipila ka bahin sa Luzon.
