DAVAO CITY – Nakadawat og hulga sa kinabuhi ang Mayor sa Monkayo, Davao de Oro tungod sumala pa sa gipatuman nga Cease and Desist Order sa Mines and Geosciences Bureau (MGB) diin gipasira ang mineral processing plants sa Barangay Mt.Diwata.
Sumala pa kang Mayor Ramil Gentugaya, nakadawat siya og text message nga nagbahad sa iyang kinabuhi tungod sumala pa sa pagpasara sa mineral processing plants sa Barangay Mt. Diwata.
Hinuon gikanayon sa opisyal nga wala siya natarug sa maong bahad ug gihimo lamang niya ang iyang trabaho alang sa mga katawhan sa Monkayo nga nahasubay sa balaud ug kung unsa ang angayan nga himuon.
Gitino sa opisyal nga dili siya anti-mining inay buot niya nga ipatuman ang pro-responsible ug sustainable mining.
Nagpasabot sumala pa kini nga kinahanglan sab nga i-promotar ang kaayohan sa kinaiyahan kung adunay mining operation sa lugar.
Gikanayon sulod sa milabay nga mga katuigan ang irresponsible mining activities sa Mt. Diwata ang nagpagawas sumala pa og hugaw nga maoy hinungdan nga nakontamina ang Naboc River ug nahimong hinungdan sa pagkadaut sa kinaiyahan ug farmlands ingon man nakaapekto sa food production ug supply sa pagkaon sa lugar.
Angayan sumala pa nga limitahan ang kadaut sa kinaiyahan ayha pa man maulahi ang tanan.
