DAVAO CITY – Hugtanon ang pahimangno ni Davao city Mayor Inday Sara Duterte-Carpio sa mga motorista nga kinahanglan dili magmaneho ug hubog gumikan kay mamahimong hinungdan kini sa disgrasya.
Sumala sa Mayor nga mas pahugtan karon sa dakbayan ang kampanya batok Anti-Drunk Driving Law aron lamang masiguro ang kaluwasan sa mga motorista.
Kahinumduman nga taas ang ihap sa mga indibidwal nga malambigit aksidente gumikan kay lango sa ilimnong makahubog.
Kahinumduman nga nagpatuman karon ug polisiya ang siyudad diin dili hatagan sa dakbayan ug hinabang kadtong mga nalambigit sa aksidente gumikan kay hubog nga nagmaneho.
Una na sab nga nagpadayag sa iyang pahasubo ang Mayor sa ulahing aksidente sa kadalanan sa may Quimpo boulevard diin duruha ka mga babaye ang nalambigit sa aksidente.
