DAVAO CITY – Dako ang pagtuo ni Davao city Mayor Inday Sara Duterte-Carpio nga anaa sa maayo ang relasyon sa iyang amahan nga si Pangulong Rodrigo Duterte ug igsuon nga si Davao City 1st district congressman-elect Paulo Duterte human ang ulahing pahayag sa Pangulo nga mokanaug kini sa katungdanan kung magpapili si Pulong House speaker sa kongreso.
Sumala pa kang Mayor Inday, adunay mga tawo nga nag-impluwensiya lamang sa iyang amahan aron nga awhagon nga padaganon si Pulong isip House speaker.
Apan una ng gibarugan sa kanhi bise Mayor nga wala siyay plano nga magpapili sa nahisgutan nga posisyon.
Una na sab nga gibutyag ni Mayor inday nga adunay miduol sab kaniya aron nga pangutan-on kalabot sa plano nga mag-house speaker ni Pulong hinungdan nga iya kining gitubag.
Dili sab sumala pa siya ang maka-desisyon sa maong lakang kung dili ang ilang amahan nga si Pangulong Duterte.
