DAVAO CITY – Subling nagpahimangno si Davao City Mayor Inday Sara Duterte Carpio ngadto sa mga Dabawenyo nga likayan ang pag-gawas-gawas sa balay kini human nga padayon sumala pa karon ang pagsaka sa kaso sa Covid-19 sa siyudad matag adlaw.
Tipik lamang kini human nga 21 sumala pa ka kaso ang gisaka sa siyudad sulod lamang sa walo ka adlaw.
Sumala sa Mayor nga kung mamahimo, likayan ang kanunay nga pag-adto sa mga palengke o mag-grocery gumikan kay kini ang mga nag-unang dapit nga dako ang posibilidad sa pagkuyanap sa disease.
Gitino sa Mayor nga adunay mga indibidwal nga dili gilayon makabati ug sintomas ilabi na nga 14 ka adlaw ang incubation period sa Covid-19.
Mas maayo sumala pa nga tag-usa lamang ang tugotan nga makagawas aron nga mopalit ug pagkaon ug medisina ug kinahanglan nga didto lamang kini sa cluster diin sakop ang ilang Food and Medicine (FM) pass.
