DAVAO CITY – Nagpagula ug kamandoan si Davao City Mayor Inday Sara Duterte sa temporaryo nga pag-ban sa mga binuhing baboy ug karneng baboy gikan sa Luzon ug uban pang areas nga apektado sa African Swine Fever.
Kini ang nahimong lakang sa alkalde aron nga mapabilin nga luwas ang siyudad sa ASF.
Kalakip sab sa kamandoan ang dili pagpakaon sa mga binuhing baboy ug mga lamaw.
Gitambagan sab ni Mayor Inday ang mga Livestock dealers nga siguruhon ang tanan nga mga transport ug giihaw nga mga baboy nga kinahanglan aduna kini tukma nga dokumento sama na lamang sa Veterinary Health Certificate o Animal inspection Certificate ug Shipping Permits.
Gidid-an sab ang mga Meat vendors/suppliers ug meat processors nga magtinda ug mga karne ug processed meat nga illegal nga giihaw, walay dokumento o gikan sa mga illegal nga mga tindahan.
