DAVAO CITY – Bisan nga kadaghanan sa mga kandidato sa Hugpong ng Pagbabago (HNP) sa Davao del Norte ang nangapildi atol sa midterm elections kaniadtong Mayo 13 ning tuig kasamtangan, gipasalig ni Davao City Mayor Inday Sara Duterte-Carpio nga motabang pa gihapon siya sa lalawigan ingon man sa mgha kasikbit nga probinsiya sa rehiyon ilabi na panahon sa emerhensiya.
Apan luyo sa kapildihan sa mga kandidato sa HNP sa Davao del Norte, gidomina sumala pa niini ang mga probinsiya sa Davao, lalawigan sa Davao del Sur ug Davao Occidental.
Gitataw sab ni Mayor Inday nga mamahimo sab sumala pa nga momugna ug kaugalingon nga local organization ang mga opisyales sa mga kasikbit nga lalawigan ug momugna ug alliance nga tabangan ang mga kandidato nga nagpapili sa mas taas nga posisyon.
