DAVAO CITY – Dako ang pagpasalamat ni Davao City Mayor Inday Sara Duterte-Carpio nga nagkahiusa ang dakbayan sa Davao sa pagboto sa mga senador sa milabay nga midterm elections diin mayorya sa mga nakadaog ang gipang-endorso ni Pangulong Rodrigo Duterte.
Sumala pa ni Mayor Inday nga daghan ug problema ang katilingban nga dali unta nga solusyonan apan nalisdan paglihok niini si Pangulong Duterte gumikan kay limitado lamang sumala pa ang iyang gahom hinungdan nga dako sumala pa ang matabang sa mga midaog nga senador nga kaalyado sa administrasyon aron lamang mapadali ang mga mahinungdan nga agenda nga buot mapatuman sa Pangulo.
Nasayran sa Mayor nga gawas sa Davao, naangkon sab ang 12-0 sa mga pambato sa administrasyon sa mga lalawigan sa Davao del Sur, Davao Occidental ug Misamis Occidental.
