DAVAO CITY – Wala sumala pay problema kang Davao City Mayor Inday Sara Duterte-Carpio kung magpahigayon ug lihok protesta ang mga miyembro sa investment schemes dinhi sa dakbayan sa Davao basta kay nakakuha ang mga nahisgutan ug business permit.
Kini ang tubag sa Mayor dihang gipangutana kini kalabot sa nauna nga plano sa mga miyembro sa Kabus Padatuon (KAPA) nga magpahigayon ug prayer vigil dinhi sa siyudad.
Sumala sa opisyal nga wala kini problema basta kay nakakuha ug permit sanglit dili tanan lugar sa dakbayan mamahimong makapahigayon ug protesta ang mga nagkadaiyang grupo.
Bugtong sa freedom park lamang sumala pa ang gigahin nga lugar alang sa protesters nga dili na kinahanglan mokuha ug permit.
Girespeto sumala pa sa Mayor ang mga buot nga ipasibaw sa katawhan basta kay dili lamang mohimo ug kagubot.
