DAVAO CITY – Gimando-an ni Davao City Mayor Inday Sara Duterte-Carpio ang mga opesyal sa lokal nga kagamhanan nga santa-on ang mga dili legal nga mga investment scheme.
Sumala kang Mayor Inday oblegasyon sa kagamhanan nga paserhan ang mga negosyo nga dili makaayo sa mga lungsuranon.
Dugang sa Alkalde nga ang gisaad nga dagko nga tubo dili gayud molungtad ug dugay gumikan kay makonsidera kini nga pyramiding.
Pagtin-aw ni Duterte-Carpio nga dili niya makontrola ang mga lungsoranon kung unsay gamitan sa ilang kwarta, apan kinahanglan nga mamahimong magma-inampingon.
Pabor sab si Mayor Sara sa sugyot ni Congressman-elect Manuel ‘Waykurat’ Zamora sa Compostela Valley Province nga himoong legal ang mga investment scheme sa rehiyon.
Mas mapanalipdan sumala pa ang mga lungsoranon kung himoong legal ang mga investment scheme gumikan kay ma-regulate na kini sa kagamhanan.
