Nagpadayag si Davao City Mayor Sebastian Baste Duterte ug simpatya ngadto sa mga taga KOJC lakip na usab ang mga taga Dabawenyo.
Sa iyahang opening statement gikanayon niini, nga kung ang mismong kapulisan maoy gasupak sa balaod, asa na lamang daw mudangop karun ang mga ordinaryong pilipino nga nagapangita ug hustisya.
Lakip sab nga gibilinan ug pangutana sa maong mayor ang kabahin sa pagkompirma sa kapulisan kung aduna ba gayud teargas nga gigamit ug nagadala ba gayud usab ug mga armas ang kapulisan samtang nagapahigayon ug operasyon sulod sa KOJC Compound.
Kahinumdumang una na kanang gipanghimakak ni Pangulong Marcos nga walay dala nga armas bisan isa ang mga kapulisan samtang ga silbi kini ug arrest warrant batok kang Pastor Quiboloy ug sa lain pang upat ka mga kaubanan niini.
