DAVAO CITY – Nangayo ug pasaylo si Davao City Mayor Sebastian Duterte mahitungod sa giluwat nga panawagan niini nga resignation kang Pangulong Bongbong Marcos atol sa nahitabong prayer rally sa Davao City niadtong Dominggo.
Sumala ni Senator Imee Marcos, gikumpronta niini si Mayor Baste human sa gihimong pagpagawas sa gibati ngadto sa katawhan niadtong prayer rally.
Nasayran nga anaa sab sa maong event ang senadora uban ni Vice President Sara Duterte. Hinuon, nasabtan sa senadora ang iyang mga pagbatikos ngadto sa igsuong si PBBM gumikan sa nagpadayong imbestigasyon nga gihimo sa International Criminal Court (ICC) sa mag-amahang Duterte.
Gitugyan sab sa senadora nga dili na kini mangilabot sa panaglabuay nila PBBM ug kanhi Pangulong Rodrigo Duterte.
Sa pikas bahin, gikanayon ni VP Sara nga wala kini nakig-istorya sa iyang igsuon nga si Mayor Baste human sa nahitabong speech.
Sanglit, sumala pa nga namahayag lamang si Mayor Baste gumikan sa pagmahal sa iyang igsuon, dungan sa reaksyon sa katawhan sa daw dili makatarunganong pagtrato sa ubang sektor nga haduol sa Pangulo.
Gipasalig sa bise nga atubangon niya ang mga alegasyon ug kontrobersya batok kaniya.
Kahinumduman nga nahimong halang ang opiniyon ni Mayor Baste mahitungod sa panagbangi nila Marcos ug Duterte nga naghagit kang PBBM nga mu-resign sa katungdanan isip pangulo.
