Gibatikos ni Davao City Mayor Sebastian Baste Duterte ang pipila ka mga pulitiko nga anaa karun nag lingkod sa taas nga posisyon sa gobyerno, labot sa wala matud pa nila natumbok ang tinuod nga isyu ug problema sa nasud.
Sigon pa sa mayor nga nagabuhat lamang sumala pa kini ug mga laing pulitikanhong hisgutanan susama kang Alice Guo, West Philippine Sea ug uban pa.
Apan ang tinuod nga isyu ug problema sa nasud sama sa pagsaka sa presyo sa palaliton, kapobrehon sa nasud, korapsyun, ug kakulang sa pagpaimplementa sa balaod ug mga programa alang samga kabus maoy wala natagaan ug pagtagad ning kasamtangang gobyerno karun.
Dugang pa ni Baste nga ni bisan usa ka tinuod nga isyu sa nasud wala matud pa nahisgutan.
Lakip sab sa gihisgutan sa Mayor mao ang pagbalik karun sa mga badlungon sa katilingban, sa dihang mikanaog na ang amahan niini nga si kanhing Pangulong Duterte isip pagkapangulo sa nasud.
Nabantayan sab sa kadaghanan karun nga sumala pa migara na usab ang pipila ka mga kurap nga mga opisyales sa gobyerno, diin ang mga nalipay na lamang karun mao ang mga adunay dautang tinguha sa nasud, apan kadtong gusto ug kaayuhan sa katilingban maoy alaot, gumikan wala matud pa kini ginaisip nga usa ka dakong prayoridad unta nga tagaan ug tukmang pagtagad sa gobyerno.
