DAVAO CITY- Nagpadayag sa iyahang kasubo si Davao City Mayor Sebastian ‘Baste’ Duterte kalabot sa makitang detachment ni Senator Christopher ‘Bong’ Go sa mga isyu nga nakaapekto sa katawhan sa dakbayan sa Davao.
Sigon pa ni Mayor Baste nga si Senator Bong Go ang usa ka elected official, kinahanglan matud pa nga mao kini ang mopahayag sa panginahanglan ug gusto sa katawhan.
Anaa matud pa kini sa taas nga posisyon, mas taas apan susama matud pa sa gikanayon niini nga adunay panahon si Sen. Go nga tubson ang iyahang kaugalingon.
Si Senator Bong Go ang dugay nang kauban ni kanhing Presidente Rodrigo Duterte diin nagsilbi kini isip assisstant niini ug nahimo usab nga key figure sa presidency ni Duterte.
Apan bisan pa man niana, nakapukaw gayud og mga pangutana ang mga bag-ong kasyon niini kalabot sa iyang pagkamaunungon ug pasalig ngadto sa mga dabawenyo.
Matud pa ni Mayor Baste Duterte nga aduna gayud posibilidad nga midistansya gayud si Senator Bong Go sa political camp ni Duterte.
Namatikdan nga wala si Senador Go sa mga publikong kalihokan kauban ang mga Duterte sa milabayng mga bulan.
Wala pa usab mitubag ang maong senador kalabot sa giluwatang pamahayag sa alkalde.
