DAVAO CITY- Gibatikos ni Davao City Mayor Sebastian Baste Duterte ang sumala pa pagka-half-hearted ni Pangulong Ferdinand ‘Bongbong’ Marcos Jr og ugaling droga na ang pagahisgutan.
Sigon sa maong alkalde nga sauna pa niini nabantayan ang pagka-half-hearted ni PBBM, apan gahulat lamang kini og tukmang panahon aron nga masaysay ang tinuod nga ginabati ngadto sa Pangulo.
Nabantayan matud pa sa Mayor nga dili kaayo ginahisgutan sa National Public Safety ang iligal nga droga.
Kalabot niini, nagatuo karon si Mayor Baste nga kini ang gumikan kay ang prinsipyo sa Pangulo labot sa hisgutanang pagpakgang sa iligal nga droga ang taphaw kon half-hearted lamang.
Dugang pa ni Duterte nga dili niini mahawa sa iyahang hunahuna ang mga pangutana, nga si PBBM ba ang usa ka narcopolitician, gumikan na usab sa ginapakita niining kinaiya nga inay nga mahimong magmaisug sa pag pakgang sa iligal nga droga, nahimo na hinuong yano na lamang ang paghatag og pagtratar ngadto sa pag-implementa sa peace and order sa nasud.
