DAVAO CITY – Gi-appoint ni Davao City Mayor Sebastian Duterte ang abogado nga si Francis Mark Layog isip bag-ong City Administrator.
Nagsilbi si Layog isip chief of staff ni kanhi mayor ug kasamtangang Vice President nga si Inday Sara Duterte gikan 2019 hangtud sa first half sa 2022.
Samtang kumpirmado nga mamahimong kabahin sa Office of the Vice President ang kanhi City Tourism Operations Office Head nga si Generose Tecson.
Si Tecson ang mangulo sa satellite office dinhi sa Davao City.
Gawas kang Layog, aduna na sab napili si Mayor Baste nga tulo ka officer-in-charge nga maglingkod sa mga nagkadaiyang opisina sa lokal nga panggamhanan apan wala pa kini gipanghinganlan sa kasamtangan.
Wala pay kasayuran kung kanus-a magsugod ang ilang pagpangatungdanan.
Via || LJ Florendo
