DAVAO CITY – Mibalik na pud sa zero active case ang Dakbayan sa Mati sugod Marso 20, 2022 human makarecover ang pinakaulahing aktibong kaso nga si MC-3771 adlawng Dominggo.
Kini na ang ikatulong higayon nga mibalik sa zero active case sa Covid-19 ang Dakbayan sa Mati sugod Marso 2020.
Sa kasamtangan, nakatala na ang Dakbayan sa Mati og sumatotal 3,937 ka kaso sa Covid-19 diin 3,815 niini fully recovered na samtang 122 ang namatay.
Padayon lamang gihapon ang hangyo sa otoridad sa tanang Matinians nga padayon lamang gihapon nga musunod sa minimum public health standards ug sa City Ordinance 427 kon ang Disiplina Panahon sa Pandemya Ordinance.
Hangyo usab sa Mati Incident Management Team sa mga wala pa mapabakunahi kontra Covid-19 nga magpabakuna na kamo sa atong mga bakuna sites o bakuna teams nga mubisita sa inyong mga panimalay.
Sa Marso 19, 2022 nga datos, aduna nay 97,659 ka Matinians nga nakadawat sa ilang bakuna diin 88,887 na ang fully vaccinated samtang 8,772 ang partially vaccinated. (CIO MATI)
