DAVAO CITY – Gibisita sa mga personahe sa Mati City Veterinarian Services Office sa pagpanguna sa ilang labaw nga si Dr. Marites Linsag-Erispe ang pipila ka mga residente nga nanimuyo daplin sa baybayon alang sa ilang regular monitoring batok African Swine Fever (ASF).
Partikular nila nga gibisita ang coastal barangay sa Lanca, Luban, ug Cuabaya. Gikanayong hugtanon nila nga gitutokan ang nahisgutan nga barangay sanglit mamahimo kini nga agi-an ug mga tawo nga gikan sa Davao Occidental diin natala ang unang outbreak sa ASF dinhi sa Mindanao.
Gikanayong ang samples gikan sa mga baboy nga gikan sa nahisgutang mga barangay ang gipadala sa General Santos City aron nga ipailalom sa eksaminasyon. Gikanayong ang siyudad Mati nagpabilin karon nga ASF-free.
