DAVAO CITY – Mihimo karon ug dyutay nga kabag-ohan ang siyudad sa Mati LGU kalabot sa ilang temporary total lockdown batok sa African Swine Fever.
Gikanayong tugtan na sa nahisgutan nga lalawigan ang pagsulod sa pork products bast kay dili maggikan sa area sa Luzon ug uban pang mga ASF-affected areas.
Pinaagi sa Executive Order No. 30 Series of 2020, gi-amyendahan ni City of Mati Mayor Michelle Nakpil Rabat ang Executive Order No. 20 diin sakop lamang sa ban ang Luzon ug uban pang dapit nga apektado sa ASF.
Gihimo ang maong lakang kini human nga gipasalig sa Provincial Veterinarian Office ngadto sa City Government sa Mati nga magpahigayon sila ug hugtanon nga checkpoints pinaagi sa 24/7 basis sa mga entry ug exit points sa probinsiya.
Sumala pa kang City Health Officer Dr. Ben Hur Catbagan nga miduol ang mga traders ngadto sa Provincial Government ug mihangyo kang Mati City Mayor Michelle Rabat nga ikonsidera pag-usab ang gipatuman ang lockdown.
Gikanayong aduna sumala pay mga contingency plan ang lalawigan sa higayon nga makasulod na ang ASF sa siyudad sa Mati.
Luyo sumala pa sa ilang gipatuman nga istriktong biosecurity measures, taas pa gihapon ang posibilidad nga maapektohan sab sila sa swine disease hinungdan nga kinahanglan doble amping sumala pa sila aron lamang dili kini makasulod.
Una na sab nga gibutyag ni Mati City Veterinarian Services Office head Dr. Marites Erispe nga nagpahigayon na sab sila ug pipila ka mga information drive sa nagkadaiyang barangay kung paunsa mamonitor ug malikayan ang ASF.
