Gibutyag karon ni 2nd District Davao City Councilor Danilo Dayanghirang nga dili pa nila matino kung kanus-a ipahigayon ang sunod nga 2020 Philippine Councilors League (PCL) national election human nagkaproblema ang voting machine nga ilang gamiton sa pinili-ay ug wala sab nagamit ang manual voting gumikan wala sumala naka-andam ang COMELEC hinungdan wala kini nadayon sa gikatakdang eleksyon niadtong Feb. 27, 2020.
Maka-atbang alang sa posisyon sa national chairperson sa PCL sila konsehal Dannny Dayanghirang ug si Polangui, Albay Councilor Jesciel Richard Salceda.
Una nang gikumpirma ni Dayanghirang nga dunay nagakahitabo nga vote buying sa Philippine Councilors League national election.
Kahinumdoman, sa public post sa iyang Facebook page niadtong miaging semana, giakusahan ni Dayanghirang, ang kampo ni Councilor Salceda kinsa mipaluyo sumala pa sa massive vote buying pinaagi sa pagdeposito sa usa ka law firm nga mokantidad sa P7.3 million padulong sa bank account sa PCL, butang nga gipanghimakak kini sa kampo ni Salceda.
Paimbestigahan sumala pa karon ni Dayanghirang sa DILG sa national board ang maong aberya gumikan ang intergridad sa pagbotar apektado na tungod sa massive buying nga nahitabo ug problema pa sab sa voting device.
Dugang pa sa konsehal nga init sumala pa ang sangka karon sa maong election gumikan gigamitan na kini kwarta sa iyang kalaban kung diin tibook nasud sumala pa ang operasyon niini ug nasayod na ang mga konsehal niini
Kahinumdoman, si Dayanghirang maoy personal sab nga gipili ni Presidente Duterte alang sa National Chairmanship sa PCL.
