DAVAO CITY – Gikatakda na nga sugdan sa City Health Office (CHO) ang massive anti-polio immunization isip kabahon sa week-long Nationwide Outbreak Response Immunization Campaign nga magsugod sa Oktubre 14.
Tungod niini, nanawagan si City Health chief, Dr. Josephine Villafuerte ngadto sa mga ginikanan nga dad-on ang ilang mga anak sa pinakaduol nga health centers alang sa immunization batok poliomyelitis dungan sa pagpasabot nga usa kini ka pamaagi aron nga malikayan ang disease.
Sa kasamtangan, nangandam na ang siyudad sa October 14 massive immunization drive, diin target nila ang 100 percent coverage sa mga edad 5 anyos paubos nga hatagan ug Oral Polio Vaccine (OPV) o Inactivated Polio Vaccine (IPV).
Una ng nagpahimangno ang ahensiya nga likayan ang paglibo sa Davao river nga una ng nagposotibo sa Polio virus sa gipahigayon nga eksaminasyon sa DOH.
