Mag-atubang og kaso nga kasupakan sa qualified human trafficking ug child exploitation kon RA 7610 ang usa ka tag-iya sa usa ka establisemento human nga nadakpan atol sa gipahigayon nga entrapment operation sa mga operatiba sa NBI-SEMRO.
Subay sa report sa mga otoridad, mokabat sa Unom ka mga babae ang nadakpan samtang na-rescue ang usa ka 16-anyos nga nagtrabaho isip masahista sa Heaven’s Path Spa.
Una na nga miabot ang reklamo sa nahisgutang ahensya kabahin sa gika-ingon nga pagtrabaho sa mga babaeng menor de edad ug ang extra service sa maong establisemento nga gitanyag ngadto sa ilahang mga kliyente.
Sumala pa sa NBI nga atol sa ilahang operasyon, adunay duha ka mga babae ang ilahang ginanubayan karong panahuna n ga sumala pa mga menor de edad human nga nakasibat atol sa maong operasyon.
Dugang pa sa mga otoridad nga sukad nga gitukod ang nasampit nga Spa upat ka tuig na ang nakalabay nagtanyag na sumala pa sila og mga serbisyo gawas sa regular nga pag-masahe.
Nasayran nga ang ilahang mga kliyente ang makakuha sumala pa og serbisyo sa motel o lodging house nga wala na nagapangayo og health permit ug uban pang gikinahanglan nga dokumento.
Sa pagkakaron nagpadayon ang gihimong imbistigasyon sa mga otoridad.
