DAVAO CITY – Gipalig-on pa karon sa Eastern Mindanao Command (Eastmincom) ang pagpalambo sa ilang security border sa habagatang bahin pinaagi sa renovation sa Border Crossing Station sa Balut Island, Sarangani, Davao Occidental aron nga mas epektibo sumala pa nila nga mapugngan ang bahad.
Matud pa kang Eastmincom public information officer Major Ezra Balagtey, padayon ang Eastmincom sa ilang mga lakang ug pagpaningkamut nga mabantayan ang ilang area of responsibility pinaagi sa maritime security monitoring aron nga dili makasulod ang mga teroristang grupo.
Ang nahisgutan sumala pa nga istasyon magsilbi nga inter-agency observatory ug monitoring station tali sa Pilipinas ug sa Indonesia kalabot sa common border sa duruha ka nasud partikular na sa Celebes Sea.
Gawas sa boarder station sa Sarangani, ang uban nga Border Crossing Stations sa Eastmincom area ang nahimutang sa Cape San Agustin sa Tibanban, Governor Generoso, Davao Oriental.
Una ng gimugna ang Inter-Agency Border Security Coordinating Council Davao Region pinaagi sa paglagda ug memorandum of understanding tali sa member agencies sa milabay nga bulan sa Naval Station Felix Apolinario Panacan, ning siyudad.
