Pagasugdan na a Department of Agriculture (DA) ang pagbaligya sa baratong bugas sa mga nagkadaiyang lugar sa nasud sugod sa bulan sa Agusto ning tuig 2024.
Unang gisugdan ang pagbaligya sa P29 matag kilo sa bugas sa pipila ka Kadiwa outlet sa nasud hangtod mulapad kini ug mo-abot sa 13 outlets sa National Capital Region (NCR) ug Central Luzon. Gipahayag ni Agriculture Secretary Francisco Tiu Laurel Jr., nga sugod sa Agusto 1, dugangan pa ug napulo ka mga outlet nga magbaligya sa maong matang sa bugas aron makab-ot ang 23 stores.
Dugang pa sa sekretaryo, inanay ipaduol sa gobyerno ang baratong bugas aron mapuslan sa tanang kwalipikado nga makapalit niini.
Gipaneguro usab nga magpabiling insakto ang suplay sa mga bugas ug makayang matubag ang mga bag-ong outlet nga pagaabrehan sa nasud.
