Niabot na ang death row convict nga si Mary Jane Veloso karong buntag human sa kapin dekada nga pagkabilanggo sa Indonesia.
Niabot si Veloso sa kauluhan alas 5:50 karong buntag.
Uban ang mga opisyal gikan sa Department of Foreign Affairs ug Bureau of Corrections nga gikan Jakarta.
Anaa usab ang kinsi ka mga myembro sa Veloso family sa NAIA Terminal 3, sa paglaom nga ilahang magakos si Mary Jane sa pag-abot niini sa nasud human sa pipila ka tuig nga pagkabilanggo sa Indonesia.
Kahinumduman nga nadakpan ug gisentensyahan sa kamatayon si Veloso niadtong 2010 human sa 2.6 kilograms sa heroin nga nakita sa iyahang luggage, apan ang nahisgutan midepensa nga ang nasampit nga bag, gipadala lamang kaniya sa iyahang recruiters.
Nakalingkawas sa kamatayon niadtong 2015 si Veloso human nga nadakpan ang iyahang recruiters ayha ang skedyul sa pagbitay.
Nagsugod ang taho nga ibalhin si Veloso dinhi sa nasud nga selda karon lamang tuiga, human sa bag-ong Indonesian President nga si Prabowo Subianto ang milingkod sa gahom.
Samtang gikalipay usab kini ni Pang. Ferdinand Marcos Jr. ug ubang mga opisyal ang pagbalhin sa kostudiya ni Veloso dinhi sa nasud ug nagpasalamt kini sa kagamhanan sa Indonesia ilawom bag-o niini nga liderato.
