DAVAO CITY- Nagpahigayon na lamang og manual checking ang pipila ka airlines sa Davao International Airport gumikan sa nasinatiang global technology outage, kagabii.
Ang global technology outage ang dili lamang nakaapekto sa mga airlines sa nasud Pilipinas kondi kalakip na sa tibuok kalibutan.
Una nang gikabutyag nga nahitabo ang maong problema human ang sayop nga pag-update sa computer nga nagdumala sa Microsoft Windows.
Kabahin niini, nanghangyo ang kompanya nga Crowdstrike sa pagsabot sa katawhan samtang gipasalig ang pag-ayo sa maong abirya.
Aron usab makontrola ang pagdasok sa mga pasahero sa airport, gikabutyag ni Rex Obcena, manager sa Civil Aviation Authority of the Philippines- Davao nga nagpatuman na og crowd control ang ilang buhatan uban sa tabang sa mga pulisya sa nahisgutang tugpahanan.
