DAVAO CITY – Nasamdan ang usaka mananagat samtang nanagat sa kadagatan sa Davao gulf sayo sa kaganinang kabuntagon human nga kini ang gidagmagan sa dakong isda.
Giila ang biktimaa nga Warlito Saclanas, taga general santos city.
Subay sa report, nanagat si Saclanas sa gilay-ong 98 nautical miles sa kadagatan sa davao gulf alas 3:38 kaganinang kaadlawon sa dihang gidasmagan kini sa usaka spear-like snout nga blue marlin.
Naigo ang biktima sa iyang tiyan nga bahin sa sobra ka hait nga sungo sa nahisgutang isda sa dihang kini ang mihasmag kaniya.
Dali usab nga nakapangayo ug tabang ang biktima ug ang kaubanan niini ngadto sa Philippine coast guard nga mao usab ang midala kaniya sa pinaka-duol nga pantalan sa Mati City diin nagpaabot ang mga sakop sa Mati City Disaster Risk Reduction and Management Office.
Sa karon natambalan na ang biktima sa mga doktor sa Davao Oriental Provincial Medical Center ug gikabutyag nga naa na usab sa luwas nga kahimtang.
