Aminado ang Malakanyang nga nabalaka sila sa presensya sa monster ship sa China nga nahimutang sa exclusive economic zone sa Pilipinas.
Gumikan niini, gipahayag ni Executive Sec. Lucas Bersamin nga wala mihunong ang Philippine Coast Guard (PCG) sa pag-challenge sa presensya sa China Coast Guard sa teritoryo sa nasud.
Gipahayag pa niini, ang presensya sa monster ship sa China sa teritoryo sa nasud ang tumong nga mag-intimidate sa mga mangingisda sa nasud.
Dugang pa sa Executive Sec. duha ka mga butang ang ipatuman nga aksyon sa gobyerno ug kini ang pagpasaka ug diplomatic protest batok sa China.
Ikaduhang pamaagi mao ang pamaagi sa vice ministerial conference.
Nakita niadtong adlaw nga Sabado ang monster ship sa Capones island sa Zambales ug sa pagkakaron anaa kini sa Occidental Mindoro haduol sa Lubang Island.
Unang gipahayag sa National Security Council nga wala mihunong sa pag-shadow o pagsunod ang barko sa PCG nga mao ang BRP Cabra sa monster ship sa China.
