Gipaneguro sa Malakanyang ang kalig-on o stability sa gobyerno taliwala sa mga mikatag nga isyu nga adunay kalabutan sa panglawas ni Pangulong Ferdinand Marcos jr. ug mga hisgutanan sa impeachment.
Gipahayag ni Palace Press Officer Undersecretary Claire Castro, nagpabiling aktibo sa pagtrabaho ang pangulo bisan paman gitambagan sa mga doktor nga maghinay-hinay.
Gipahayag pa niini nga wala nagbakasyon ang Pangulo ug padayon kining nagabasa ug mga report ug importanteng dokumento aron magpabiling updated sa mga hisgutanan sa gobyerno.
Gikanayon pa ni Castro, bisan nagkinahanglan ug pahulay ang Pangulo, nagpadayon pa gihapon ang trabaho niini nga nagpamatuod sa iyahang kasipagan ug dedikasyon sa katungdanan.
Gi-awhag usab sa Malakanyang ang publiko nga musalig sa Pangulo ug gikanayon nga padayon niini ang pagpamuno ug pagtrabaho ang importante aron mapabilin ang kalig-on sa gobyerno ug magbaton ug positibong epekto sa ekonomiya sa nasud.
