DAVAO CITY – Aduna sumala pay pagsaka sa tuberculosis sa Davao Region ug gikonsidera kini sa Deaprtment of Health nga makaalarma. Tungod niini, subayon sa DOH-Davao Region ang “ grassroots level” sa maong balatian aron nga batukan kini ug malikayan ang pagtakod.
Segun ni DOH program manager of Tuberculosis Control Program Evelyn Gelito nga pinasikad sa ilang inisyal pa lamang nga datus kaniadtong 2016, misaka na sa 12,000 ang ihap sa mga nakaangkon sa balatian.
Mikabat sab sa 100 ang namatay sa tuberculosis (TB) kaniadtong milabay nga tuig diin ang dakbayan sa Davao ang adunay pinakataas sa Davao region.
Dungan sa tema sa kasaulogan sa World Tuberculosis Day nga “Sama-samang Tuldukan ang TB,” laraw ni Gelito nga mas palig-onon pa nila ang ilang information, education ug communication drive ngadto sa publiko kalabot sa risgo nga ihatud sa higayon nga dili matambalan ang tuberculosis.
