Gikumpirma sa Malacañang ang pag-aresto kang kanhi Presidente Rodrigo Duterte kaganihag alas 9:22 sa buntag, Marso 11, 2025.
Kini human nadawatan sa INTERPOL Manila ang opisyal nga kopya sa mando sa pagdakop kay FPRRD nga gipagula sa International Criminal Court (ICC) kaganihang kaadlawon.
Sumala sa Presidential Communications Office (PCO), mga alas-9:20 sa buntag, Marso 11, 2025, miabot sa nasud si kanhi Presidente Rodrigo Duterte diin ang iyang grupo ang gikan sa Hong Kong sakay sa usa ka commercial flight.
Sa iyang pag-abot, gipahibalo sa Prosecutor General ang ICC notification alang sa mando sa pagdakop batok sa kanhing Presidente tungod sa krimen batok sa katawhan o crime against humanity.
Gisiguro sa PCO nga anaa sa maayong kahimtang si Duterte ug ang iyang grupo, diin gisusi pa sa mga doktor sa gobyerno ang kanhing pangulo aron masiguro nga sila anaa sa maayong panlawas.
Gipasalig sa mga opisyal sa PNP nga aduna silay suot nga body camera atol sa pagsilbi sa warrant aron mapadayon ang transparency sa maong operasyon.
Sa pagkakaron, anaa na siya sa kustodiya sa mga awtoridad si kanhing Pangulo Duterte.
