Nagduso pag-usab og bag-ong impeachment complaint ang Makabayan bloc batok kang Vice President Sara Duterte sa Kamara kagainang buntag.
Mao kini ang unang impeachment complaint nga giduso batok kang VP Sara human gikompirma sa Supreme Court ang desisyon niini nga ibasura ang unang articles of impeachment batok kaniya.
Gikatakda nga mahuman sa Peb. 6 ang one-year bar rule nga may kalabutan sa naunang impeachment complaint batok kang VP Sara nga gi-deklara nga usa ka unconstitutional sa Supreme Court.
Ang reklamo giduso sa Makabayan bloc tungod sa giingong mga iregularidad sa paggamit sa confidential funds sa iyahang opisina.
Sumala kang Renato Reyes Jr. sa Makabayan, tumong sa maong lakang nga patubagon ang mga opisyal nga molapas sa pagsalig sa publiko.
Ang isyu sa confidential funds dugay na nga kontrobersyal sukad pa niadtong 2023, sa dihang nabutyag ang ₱125 milyones nga gibalhin gikan sa Office of the President padulong sa Office of the Vice President (OVP).
Niadtong 2025, usa ka impeachment complaint batok kang Duterte ang gibasura tungod sa constitutional bar nga nagdili sa labaw sa usa ka impeachment proceeding sulod sa usa ka tuig.
Sa kinatibuk-an, nagpabiling hagit sa administrasyon ang isyu sa confidential funds, uban sa saad sa Makabayan bloc nga ipaglaban ang transparency ug accountability sa gobyerno.
