DAVAO CITY – Mikabat na sa tulo ang natalang patay sa nahitabong diarrhea outbreak sa Toril District, Davao City.
Subo nga gikumpirma ni CHO head Dr. Ashley Lopez ang pagkamatay sa usa ka 32 years old na lalaking magtutudlo kagahapong adlawa sa ICU bed sa SPMC gumikan sa severe dehydration.
Residente matod pa ang biktima sa Lingig, Surigao del Sur og nag-abang lang kini sa Brgy. Lubogan, Toril District diin kini nagtudlo.
Kahinumdumang unang nakabsan sa kinabuhi ang usa ka 10 years old na batang lalaki og 67 anyos nga babaye.
Sa kasamtangan mikabat na sa 218 ang natalang kaso sa Diarrhea sukad niadtong Hulyo 15. Anaa sa 196 ang aktibong kaso sa kasamtangan diin 99 ang landig sa balay tambalanan. 21 ka Barangay usab ang apektado.
Hinuon gipaklaro ni Dr. Lopez nga ang mga nasakit gikan sa 3 ka Brgy. gawas sa Toril District, nidayo lamang sa night Market sa Toril nga nahimutang sa Rasay St.
Gikumpirma usab sa Doctor nga ang namatay nga 10 years old nga bata og 32 anyos nga magtutudlo parehong nakakaon og street food sa Toril night Market.
Nagapadayon pa ang imbestigasyon sa CHO kauban ang upat ka epidemiologist gikan sa DOH og wala pay resulta sa water ug food sampling ingon man sa rectal swab ning kasamtangan. Busa dili pa matumbok kon unsa gyud ang hinungdan sa Diarrhea outbreak sa Toril District.
Via || Mel Valledor
