Adunay magtiayon sa India ang naggamit ug katingad-an nga pangilad sa mga restaurant. Ang magtiayon nagbutang ug patay nga langaw sa ilang pagkaon aron dili sila makabayad sa ilang gikaon.
Dihang nakatunga na ang magtiayon sa pagkaon nga ilang gi-order, ilang gibutang ang patay nga langaw sa pagkaon ug dayon naghimo og talan-awon ug ang wala panganling magtiayon giingong magdala og patay nga langaw kon mangaon sa mga mahalon nga restaurant.
Dugang pa, magsaba-saba o maghimog eksena ang magtiayon ug tawagan ang staff sa restaurant aron ipakita nga dunay patay nga langaw sa ilang pagkaon.
Apan adunay panultihon nga ang buhat nga dautan, aduna gayuy kinutuban.
Busa sa ilahang gihimo niabot gayud ang panahon nga nabisto ang ilahang mga gihimong modus human nga nadiskubrihan kini sa ilahang gikan-an nga mahalon nga restaurant.
Nangayo ug pasaylo ang magti-ayon sa ilahang gihimo apan, gipasakahan gihapon sila ug kaso.
