Kabsan sa ilang kinabuhi ang maglive-in partner kini human nga nadisgrasya samtang naglawig sakay ang motor ngadto sa Leon B. Postigo, Zamboanga del Norte.
Sa nahimong resulta sa imbestigasyon sa otoridad, samtang sakay sa ilang motor, pag-abot sa tungasunong bahin sa Barangay Delusom, naigo matud pa sa magtiayong sila Ronald Canion, 33 anyos ug Roxanne Dipolog, 27 anyos ang motor nga nakadunggan sa mga biktima.
Gumikan niini, mibangga ang mga biktima ngadto sa kasugat nilang pick-up truck nga maoy nahimong hinungdan sa ilang kamatayon.
Gani, nunot matud pa sa nahitabong disgrasya nga miresulta sa kamatayon sa mga biktima, ang ilang anak nga daan ng namatay ayha pa man ang panghitabo, wa gihapon kini gibuhian sa inahan.
Sumala pa sa kapulisan, “accident prone area” matud pa ang maong dapit diin nadisgrasya ang magtiayon.
Wala na sab nagpasaka og kaso ang pamilya sa namatay ngadto sa drayber sa truck ug tag-iya niini, apan andam matud pa silang abagahon ang tanang gastos hangtod sa paglubong sa mga biktima.
