Kabsan sa ilang kinabuhi ang ang 68 anyos nga lola ug ang 5 anyos nga apo niini kadlawon sa Marso 31 ning tuiga samtang igo ra nangatulog ang biktima sa ilang balay sa Purok Lumboy, Brgy. Panangban, lungsud sa Compostela,Cebu.
Subay sa rekord, giila ang mga biktima nga mao sila Evelyn Pareja Jayme, 68 anyos, biyuda ug ang 5 anyos niining apo nga si alyas Gael.
Saysay sa inahan ni alyas Gael nga si Rowena nga nakahawa na kini sa ilang balay ayha pa man nakasulod ang suspek sa ilang balay sa susamang adlaw.
Subay sa imbestigasyon, posibleng dunay personal nga kasuko ang suspek batok sa biktima ug nasayran sab nga nagagamit kini og droga sigon ni PSMS Junrey Frias, lead investigator, Compostela Police Station.
Samtang angol sab sila Ruvelyn Jayme Gomez, 38 anyos, bana niining si Kelly Gomez, ug anak nga si Clint Justine Jayme Gomez, 16 anyos.
Ang suspek giilang si Jayson Meca Avila, 41 anyos ug dunay kapuyo nga silingan sa mga biktima.
Hinoon, narekober sa kapulisan ang sundang ug martilyo nga gigamit sa suspek.
