Gi-awhag ni Surigao del Norte Representative Robert Ace Barbers ang mga kaubanan niining magbabalaod nga ipadayon ang halawom nga imbestigasyon sa anomalyang kalihukan nga “China-created, China Embassy-funded ug Chinese-manned” public relations firm nga nag-hire ug mga Filipino keyboard warriors kung diin target sa nahisgutang kampanya ang mga anti-China personalities ug politicians lakip na ang palisiya sa nasud sa West Philippine Sea.
Gusto sa magbabalaod nga manubag ang mga nagpaluyo sa PR Firm nga Infinitus-China Embassy deal nga nakahatag ug grabeng hulga sa interes sa nasud ug seguridad ilabi na sa West Philippine Sea.
Gipa-imbestigahan usab ni Barbers sa kamara ang nahisgutang PR Firm aron masilutan ang mga Chinese ug Filipino key board warriors nga nagpakatag sa sayop nga inpormasyon o fake news.
