DAVAO CITY – Dakpan sa mga tinugyanan sa balaod ang usa ka mag-uuma nga dunay gi-atubang nga kasong pagpatay.
Gigamit sa mga tinugyanan sa balaod ang warrant of arrest sa pagdakop sa suspek nga usa ka Romero Lagare Wet, alyas JunJun, 45 anyos ang pangidaron, menyo, residente sa Purok 8, Barangay Datu Balong, San Isidro, Davao del Norte, apan temporary nga nanimuyo sa Sitio Panulawon, Barangay Malabog, Paquibato District, ning dakbayan sa Davao.
Gidakop ang suspek gumikan sa gikalambigitan niini nga kasong pagpatay sa milabay nga tuig.
Gipagula ang kamandu-an sa pagdakop sa suspek pinagi kang Honorable Judge Maria Susana Pawa sa Regional Trial Court Branch 31 sa dakbayan sa Tagum.
Gikustodiya na ang denakpan sa Paquibato Police Station.
