Naligo na sa iyang kaugalingong dugo ang usa ka mag-uuma sa Purk 6, Brgy. Kanapolo, Magsaysay, Davao del Sur kagahapon, Agosto 15 ning tuiga.
Subay sa rekord, giila ang biktima nga mao si Alejandro Jurulan, 64 anyos ug residente sa Prk. 9, Brgy. Upper Bala, Magsaysay, Davao del Sur kansa nakahiagom og 5 ka samad pinusilan gikan sa punto 45 nga pistola.
Saysay ni Eric Lumayon nga miadto siya sa balay sa biktima sa susamang adlaw aron mag-apply isip laborer sa biktima gumikan tingtanom na og mais.
Apan, dako ang kakurat niini sa dihang nakaplagan niya ang biktima nga wala nay kinabuhi.
Human niining naabtan ang biktima, gilayong kining nangayo og tabang sa mga opisyal sa barangay.
Sa karon, anaa na sa punerarya ang patayng lawas sa biktima ug ginapaabot na lamang sa otoridad ang resulta sa otopsiya aron masuta ang tinubdan sa iyang kamatayon.
