DAVAO DEL DUR – Patay ang usa ka mag-uuma human nga gidunggab sa iyahang kainom sa usa ka hilit nga dapit sa Brgy.Saliducon, Sta. Cruz Davao Del Sur.
Sa report sa kapulisan, giila ang biktima nga si Rolly Muhamad Edar,60-anyos, minyo, usa ka mag-uuma ug residente sa Sitio Maguring, Upper Tibaul sa nasamput nga baranggay. Samtang ang suspek giila sa pangalan nga Dodong 48-anyos,ulitawo usa ka mag-uuma nga residente sa nasampt nga lugar.
Subay sa inisyal nga gihimong imbestigasyon sa kapulisan, nag-inom ang biktima pasado alas tres kagahapon uban nila Nestor Uno, Jovani Uno, Urak Bulaw Atin ug ang suspetsado. Apan sa wala masayri nga rason gidunggab sumala pa ang biktima ni alyas Dodong nga hinungdan kini sa iyahang kamatayon human nga naigo sa iyahang tiyan.
Samtang sumala sab sa usa ka skylab drayber nga si Adin Enok nga gigamitan matud pa sa suspek ug sundang ang biktima nga maoy hinungdan sa iyahang kamatayon ug human sa maong panghitabo, dali nga misibat ang suspetsado.
Sa pagresponde sa kapulisan sa crime scene nakita na lamang ang biktima nga nagbuy-od na sa kilid sa karsada ang patay nga lawas niini ug naligo na sa iyahang kaugalingong dugo.
Sa pagkakaron nagpadayon pa ang pagpangita sa kapulisan sa suspek ingon man ginasuta sab ang tinuod nga motibo sa krimen.
