DAVAO CITY – Landig sa balay tambalanan ang duha ka mga mag-uuma human sila nadunggaban sa wa mailhing suspetsado sa Brgy. Piso, Banaybanay, Davao Oriental.
Sumala sa imbestigasyon sa Banaybanay Municipal Police, bandang alas-2:30 sa kaadlawon niadtong Sabado, nipauli gikan nagdisco ang mga biktimang giila sila Antonio Dela Cruz Lavega, 33 anyos, ug ang igsuong si Ernesto Dela Cruz Lavega, 29 anyos, pulos residente sa susamang dapit.
Pagsubay nila sa national highway ss Purok Sampaguita, usa ka wa nagpailang suspek ang kalit nga nagduggab sa tuo nga bahin sa likod ni Ernesto ug wala nga bahin sa likod ni Antonio.
Midagan pa palayo ang suspek human sa iyang pagpanunggab.
Gidala dayon ang mag-suon sa Davao Oriental Provincial Hospital alang sa tukmang medikasyon.
Samtang dalhon sa Davao City ang biktimang si Antonio aron magpaayo gumikan sa iyang kritikal nga kahimtang.
Gitutukan karon ang anggulong personal nga pagdumot nga gituohang hinungdan sa krimen.
Nagpahigayon og imbestigasyon ang kapulisan alang sa pagdakop sa suspetsado.
Samtang nagpagawas ug executive order mahitungod sa pagpasuspinde ni Banaybanay Mayor Ian Larcia sa tanang mga disco nga ipatigayon sa munisipalidad aron walay susamang insidente ang mahitabo sa lugar.
via || Bombo LJF
