DAVAO CITY- Sikop ang mag live-in partner atol sa gipahigayong drug buy-bust operation sa Philippine Drug Enforcement Agency Regional Office XI inubanan sa Regional Intelligence Unit sa PRO XI, Davao Oriental Police Provincial Office ug Mati City Police Station ngadto sa Barangay Matiao, Mati City.
Giila ang mga dinakpan nga sila si Rodnick Verdeflor, 25-anyos, ug ang ka live-in niini nga si alyas Janet. Gani, lakip sab sa dinakpan ang kauban nila sa drug den nga si Edvic Verdeflor.
Subay sa gipahigayong operasyon, nakuhaan og usa pa ka pakete sa gituohang shabu ang mga suspek nga motimbang og 5 grams nga nagkantidad og P75,000. Gikanayon ni Aileen Lovitos, PDEA XI Regional Director, nga napalitan nila og usa ka pakete sa gituohang shabu nga nagkantidad og P1,000 ang target nga si Verdeflor.
Gani balhog karon sa prisohan ang mga dinakpan og nag-atubang og kasong paglapas sa RA 9165 o Comprehensive Dangerous Drugs Act of 2002.
VIA|| Kaye Marie Gulle
