DAVAO DEL SUR- Patay ang inahan ug anak human nga naligsan sa usa ka Elf Truck sa Sitio Lumbang, Brgy. Manga, Matanao, Davao del Sur.
Subay sa report sa kapulisan nga Dead on the spot ang usa ka inahan nga giila nga si Flordelina Mandola Mariamor, 53 anyos ang panuigon, minyo ug residente sa Sitio Lumbang, Brgy. Manga, Matanao, Davao del Sur.
Samtang ang anak niini ang naila nga si Prince Xavier Mandola Mariamor, 17 anyos.
Samtang naila ang drayber nga nakabangga nga si Junmar Poldo Gabilin, 35 anyos ang panuigon ug residente sa Brgy. Savoy, Matanao, Davao del Sur.
Sa imbistigasyon sa kapulisan, nagbaktas ang mga biktima niadtong tungura nga kalit kining gibanggaan sa Elf Truck human nga nakatagpilaw sumala pa ang drayber niadtong tungura.
Sumala pa nahulog ang trak sa daplin sa karsada nga gipadulong kini sa mga biktima.
Gumikan sa kakusog sa pagkabangga, nalagpot ang mga biktima ug ang inahan ang napuruhan sa iyahang kinabuhi samtng ang anak niini gidala pa sa ospital apan gideklara kining patay pag-abot sa balay tambalanan.
Sa karon anaa na sa kostudiya sa kapulisan ang drayber ug ang gimaneho niining trak.
