DAVAO CITY – Gisentensiyahan sa Regional Trial Court (RTC) ug pagkabilanggo ang magti-ayon nga reponsable sa kamatayon sa tres anyos nga batang lalaki kaniadtong Agosto 24, 2016 sa Matina Pangi, ning dakbayan sa Davao.
Nahukman ni RTC Branch 54 Judge Ronald Tolentino ug unom ka tuig ug usa ka adlaw ngadto na sa walo ka tuig nga pagkabilanggo si Grace Gilaga Agustin nga nagsilbing accessory sa krimen samtang dose ka tuig ug usa ka adlaw ug upat ka tuig nga pagkabilanggo sa bana niini nga si Sonny Boy Mendoza tungod sa kasong homicide.
Nasayran nga ang orihinal nga kaso batok sa gipasaka batok mga akusado ang gipaubos diin gikan sa parricide gihimo kining accessory to parricide ug gikan sa kasong murder guhimo na lamang nga homicide kini human nga gi-aprubahan sa Huwes ang sugyot nga paubsan ang penalty sa kaso nga gi-aprubahan sab sa prosecution.
Kahinumduman nga gikulata nila ni Agustin ug Mendoza ang biktima nga si Kean Gabriel Agustin nga maoy hinungdan sa kamatayon niini.
Samtang gimando sab ni Judge Tolentino ang pagbalhin sa magti-ayon diin gikan sa Maa City Jail ipadala kini sa Davao Penal Colony nga nahimutang sa Santo Tomas, Davao del Norte.
