DAVAO CITY – Ginulgulan sa liog ug mga samad sa nawong ug dughan nga bahin ang naangkon sa mag-amahang Manrique human gipamatay sa uskaa 30 anyos nga lalaki.
Giila ang mga biktima nga sila Panfilo Manrique, 71 anyos, ug Geraldine Manrique, 43 anyos, samtang ang suspect ang giila usab nga si Rio Aquino Ballenas, 30 anyos, ug susamang mga nag-arkila sa usaka boarding house sa Diamond Village Matina APlaya dakbayan sa dabaw.
Gikanayon ni Police Major Noel Villahermosa, hepe sa Talomo Police station, ang mga nalambigit sa krimen ang magka-pamilya ra usab gumikan kay ang mga biktima mao ang ugangan nga lalaki, ug ang bayaw nga babaye ra usab sa suspect nga si Ballenas.
Dugang pa ni Villahermosa nga subay sa inisyal nila nga imbestigasyon nagka-lalis ang mga biktima ug ang suspect gumikan sa managlahing mga kandidato nga giboto sa nakalabay nga eleksiyon.
Natigayon ang krimen alas 10:30 kagabii sa mismong gipoy-ang boarding house sa mga nahisgutan.
Saysay sa mga silingan, nakadungog sila ug kagubot nga gisundan sa singgit ug hilak sa 3 mga batang minor de edad nga mga anak sa suspect. Ug didto na nila nakita sa kusina nga bahin ang nagka-dugo nga mga patayng lawas sa mag-amahang Manrique.
Naabtan pa usab sa mga silingan ang suspect nga miangkon nga napatay niya ang mga biktima ug misulay s apag-ikyas apan nababagan kini sa mga mirespondeing mga sibilyan.
Sa karon ang 3 ka mga anak sa suspect ang gikustodiya na sa CSWDO ug padayon nga gipa-ilalom sa pag-atuman gumikan sa trauma ngna nahiaguman.
