DAVAO CITY – Gisugdan na kagahapong adlawa ang 30 ka adlaw nga Police Reformation and Enhancement of Skills and Personality Course o gitawag nga “PRO 11 Madayaw Program”.
Ang pulong nga MADAYAW nagpasabot nga Make Every Day A Way of Change, nga tumong niini nga madasig ang tanang Philippine National Police kun PNP personnel aron nga magbaton og pagsalig sa kaugalingon, dedikasyon ingon man responsable sa pagpanerbisyo.
Gipahigayon ang aktibidad sa Camp Sgt Quintin M Merecido, diin kabahin sa programa ang transformation sa PNP arun madugangan ang ilang kahanas, mahimong epektibo ug kasaligan sa publiko.
Una ng gilangkuban ang 1st Batch sa 50 ka mga personahe sa Police Commissioned ug non-commissioned officers.
Ang nahisgutan nga mga partisipante nakahimo ug dili maayo sa ilang pagpanerbisyo sama sa theft, absence without leave ug daghanan pa.
Nahimong basehan sab niini ang gihimong kalapasan ni Patrolman Molles sa Talomo Police Station nga gireklamo sa iyang mga kauban tungod sa pagpangawat ug Patrolman Gumapac sa Toril Police Station nga nag-atubang sa kaso nga Slight Physical Injury human nga nangulata og sibilyan.
