DAVAO CITY – Gipahimangnoan sa Land Transportation Office (LTO)-Davao ang mga motorista nga wala nakakuha sa ilang Private Motor Vehicle (PMV) plates nga kuhaon na kini ayha matapos ang kasamtangan nga bulan aron nga dili pangdakpon ang mga nahisgutan.
Una ng gi-post sa LTO sa social media ang mga wala na-claim nga plaka nga nakarehistro sukad Hulyo 2016 hangtud na Disyembre 2018 diin kinahanglan nga makuha na kini hangtud sa Agosto 31.
Gitataw sab sa LTO nga kung dili gamiton sa mga motorista ang ilang nakuha nga plate number, dakpon na ang mga nahisgutan sugod sa Setyembre 1.
Samtang gibutyag sab ni LTO assistant regional director Neil Cañedo nga adunay 6,449 gikan sa 10,511 plates ang wala pa gihapon nakuha sa ilang buhatan hangtud karong panahona.
