DAVAO CITY – Nahatagan na karon ug katin-awan sa buhatan sa LTFRB 11 ang nadawat nga mga reklamo sa mga pasahero may kalabutan sa libreng sakay program sa gobyerno.
Niadtong mialaby nga adlaw gitigum sa LTFRB 11 ang mga operator sa mga bus ug van nga ilalom sa nahisgutang programa. kadaghanan sa mga reklamo nga nadawat sa LTFRB 11 pinaagi sa ilang official facebook page ang gikan sa mga pasahero nga buot mosakay apan dili sumala pa hunungan.
Gawas niini, gihatagan usab ug pagtagad sa ahensiya ang sumbong sa mga pasahero nga gina-paninglan sila ug pamasahe.
Gikanayon ni LTFRB 11 Regional director Nonito Llanos III, gipatawag sa ilang buhatan ang mga operators ug drivers aron subling pahinumduman ang mga nahisgutan sa rules and regulations nahisgutang programa sa gobyerno.
Sa nahisgutang panagtigum, napaminawan usab sa LTFRB ang kabahin sa mga drivers ug operators sa bus ug van nga mihatag ug katin-awan nganong adunay mgja higayon nga dili nila mahunungan ang mga mopara aron moskaay.
Samtang, gitin-aw usab sa LTFRB 11 nga limitado lamang ang ihap sa mga byahe, units sa mga bus ug van ug ang distansiya nga byahion niini aron dili usab maapektuhan ang panginabuhian sa uban pang public utility vehicles nga nagapamasahero.
Samtang, gidasig usab ni Llanos ang publiko nga dili magduha-duha sa pagpadangat sa ilang mga reklamo aron mahatagan gilayon kini ug tubag sa ilang buhatan.
